يامرحبا في حفلة الطيب الصاح=اللي دعانا للشرف والوليمه
يامرحبا في حفلنا عد مالاح=وأستلحق البراق سيله وديمه
عند الكريم اللي لبس طيبه أوشاح=كريم سبلا والأيادي كريمه
شيخ على ربعه مكاسيب وارباح=القرم ابو ناصر عسى الله يديمه
وأنا قصيدي لاهل الطيب رواح=أهل المواقف والنقاء والغنيمه
ربعي هل الفزعه اليا صاح صياح=عدونا نسقيه ذل وهزيمه
يسري عليه الليل ماهو بمرتاح=من قو بطشتنا وقو العزيمه
بني رشيد اللي تضحي بالارواح=ودخيلنا حنا ذراه ونعيمه
واليوم حنا للوطن درع واسلاح=في ظل ابو متعب عسى الله يديمه