[العميل السري]

اقتباس من مشاركة ناصر خنيفر هلا وسهلا اسمحيلي على التاخير تو شفت الموضوع ابدا حياكي الله اخت عزيزه بين اخوانك الناس وصلت لسطح القمر وحنا نمنع نسانا عن المشاركه عز الله ان الجهل دايم مصيبه= في راينا يشبه كبار المصايب الناس وصلت للقمر يالحبيبه= وحنا على ارداء شي نعمل طلايب

اسمع العلم الثلاثي يالعمده؟؟؟؟

ياعمدة الشعار ياناصر قبل شئ يصير=اليا انشدوك الناس ياناصروش تجاوب لها
انا شهد انك تالي الايام طنشت النذير=والعقده اللي بينت للناس كيف تحلها
شفتك على منصة الاقلاع واتحاول تطير=كنك تبي تطلع على سطح القمر وتفلها
صارت علومك تالي الايام شراًمستطير=يامل عينك من مسولفت الضحى ياملها
مهماتحاول تدهنون السير لايمكن يسير=قدام لاتثور القنابل في يديك افطن لها
تدري عيون الناس يالعمده كما السيف الشطير=قفل ملف الغايبات احسن لكم واحسن لها
ياشايب الرحمن عين خار بالله واستخير=لاتصير سالفةً مابين الناس ماحد يملها
حنا علينا انبلغك لو كنت يالعمده خبير=لاتحدنا لـ حدب السيوف المرهفات انسلها
نوب الهقاوي ياطويل العمر ماتلفي بخير= لاقطعت روس الشجر ماحدً مدور ظلها

الموضوع الأصلي: ياعمدة الشعار ياناصر قبل شئً يصير ..اسمع العلم الثلاثي | | الكاتب: العميل السري | | المصدر: شبكة بني عبس