بيض الله وجهك وصح لسانك على هذه العصماء
اشهد بالله انك جزل وشاعر مواقف ولاهو غريب عليك
نابـي قـرا عـن مايشيـل بطانهـا فـجـا عـضـود
......................................مـادق مـن سـرعـة خطاويـهـا بيـدهـا زورهــا
ماهـاب راعيهـا لهيـب القيـض واجـداب العـدود
..................................لوهي جراهيـداّ مـن الرمضـا تواشـا صخورهـا
طش الجبال السود عن يسراه وعروق النفـود
.................................وادلج مع دروب السبـاع اللـي تعـش نسورهـا
عنده على قطع الفيافـي لاسـرا ليلـه صمـود
....................................مالـد عينـه فـي نضـر حـول العـيـون وعـورهـا
عينه على قلعة مضارب عبس حافضة العهود
....................................اللـي علـى عــز وكـرامـه عـامـرات قصـورهـا
يامرحـبـابـه عـــد بـــراق المـخـايـل والـرعــود
.................................غر المزون اللي يسيل السيـل مـن ممطورهـا
هذه هي الجزاله بعينها
وصح لسان شاعر الهيلا وعتيبه تستاهل