[خصيم الوقت]

يشوقني لمواصـــلك داعــــي الــشـوق
لـو كان وصــلك يا حبيبي قطعته
أحاول اصبر لكـــــــن لـوصلك أتوق
يطيب فــيك الشعر لامــــن بدعته
سبقت في قطع الوصل منت مـسبــوق
قلبٍ هواك بــصدق جرت وفجعته
شف حالته مــن سبــتــك صار مفتوق
يسمعني آهــــــاته وانا مــا سمعته
أسفــه و الدمعــة عــلى حـاجر الموق
الدمـــع لا داعـــب عــيوني منعته
أخشى على الدمعة من عيون مطفوق
اللي مقامك عـــــــن مقامــه رفعته
لــكـن يالغــالي ترى الــوم ملــحــوق
لجــل الغلا و القـــلب لومك دفعته
قلبي من الراحه معــذب ومـــسروق
أبا تبـــــعه لـــو كان ما قـــد تبعته
فكــرت يمكنك مـــن الصبر محروق
وانا لو ان الـــروح يســعــدك بعته