[بندرالرشيدي]

السلام عليكم ورحمة الله وبركاته ،،

أحبتي،،أسعد الله ايامكم،،ولياليكم.،،
تبرد الأجواء،،وتبقى المشاعر دافئة،،
دفؤها التواصل معكم،،

ملذااات الغرام

دمعتك جرحي وبسمتك الشفا=احزن لحزنك وفرحك فرحتي
انت حبٍ يتسم صدق ووفا=انت شمسٍ فيك زالت ظلمتي
انت فرحة من بالاحزان اكتفا=يوم عرفك فيه ماتت ضيقتي
لوتغيب الطيف عني ماختفا=غيبتك لو غبت تعني غيبتي
الليالي برد واحضانك دفا= رحمه ومأوى ومأنس وحدتي
يوم كل ٍفي ملذاته غفا= مادروبي وين ذابت غفوتي
في ملذات الغرام اللي صفا=كانت احلامي وصارت يقضتي
في نعيمٍ ماحتوى لحظة جفا=توحش الغربه ومااحلى غربتي
بالعيون وبين عذبات الشفا=مادريت شفاي والا علتي
يشبه الليل الظلام اللي ضفا=فوق صدرٍ ما تمله زفرتي
سجنك المعدوم عني ماعفا= واعسا ها تطول مدة سجنتي
ذاب ليلي في النهار اللي لفا=ولا بعد ملت سهرها سهرتي

مع خالص ،

الشكر،والتقدير،

لسمو مشاعركم..

=====

بندر بدر الرشيدي،،

الموضوع الأصلي: الليالي برد ،،وأحضانك دفا..!! | | الكاتب: بندرالرشيدي | | المصدر: شبكة بني عبس