خل الخطا واعزف على جرحي الحان=ردد صدى جرحي بكل الزوايا
خطاك يكبر وانت تكبر على شان=كل ماطلبتك جرح زدت العطايا
وان قلت ليه اتقول من باب الاحسان=كريم ومثلك مايرد الهدايا
حاول تدارك نيّتي قدر الامكان=على الاقل اصلح معاي النوايا
الوقت هذا الوقت لا شان مازان=وان شانت اخلاقك تشين المزايا
ولا توصيني وخل الذي كان=وصي على نفسك وخل الوصايا
اللي يوصي ماهو بحاجة انسان=يدرا على الشرهه وكل الزرايا
تعال اسولف لك عن اضروف الازمان=سوّت عقب فرقاك فيني سوايا
انساق لك شوقي مثل غر الامزان=ارعودها فجت ضلوع الحنايا
اليا هدت ساقت على الوجد هتان=تحيي عروقٍ من ولها ضمايا
قربك وطن ومفارقك غربة اوطان=ومواصلك يلغي جميع البرايا
ماقول بغيابك شقا حال واحزان=اقول بغيابك زبنت المنايا
( لو كل طيحه عذرها كبوة احصان )=( كان امتلت ادروبنا بــ الخطايا )
للشاعر الأنيق/ خالد الهطلاني