[ابن لفاي]

امس على قناة الدانه اظن وانا اتابعها بالصدفه طلعوا مقطع فيديو لمناوشات بين قوات امن ومتظاهرين من البدون بالكويت
وكان المقطع يبين همجية رجال الامن في تعاملهم وضربهم لصغار السن وللشياب بدون نخوه ولامروه ولا رحمه ولا احترام لشيباتهم
وانا استغرب من رجال امن مسلمين يقومون بهذي الافعال الساقطه بدون لايخافون الله قبل كل شي والي شافوا المقطع الي بثته قناة الدانه بيعرف بشاعة وهمجية العسكر في تعاملهم لانهم يدرون ان الاشخاص الي قدامهم مايملكون لا سلاح ولا شي وقالوا فرصه نفرد عضلاتنا عليهم بعكس لو جاهم عدو خارجي لان اكيد بيفرق تعاملهم عن التعامل الي يعاملون فيه البدون الضعفاء
بالرغم ان مطالب المتظاهرين تعتبر حق من حقوقهم بحيث انهم يطالبون بجنسيه هم يستحقونها لانهم ولدوا وعاشوا بالكويت وحاربوا عن الكويت ودافعوا عنها والجنسيه حق مشروع من حقوقهم
مشكلة البدون مثل كورة الثلج كانت صغيره الى ان كبرت والحكومه تأجل فيها والكلام ينطبق على البدون بالمملكه الي يطلعون بطاقات قبائل خاصه ولونها اسود من خلال شيوخهم وهذي البطاقات ماتسمن ولا تغني من جوع
الحل لمشكلة البدون هو تجنسيهم واعطائهم الجناسي واعطائهم الحياه الكريمه بدل عيشة الضياع الي عايشينها سواء بالكويت او هنا بالسعوديه وخصوصا بهذي الاوقات العصيبه الي تمر بها منطقة الخليج بشكل عام من خلال الاستفزاز الايراني اليومي والمفروض دول الخليج تسعى لحماية امنها الداخلي اولا وصنع استقرار داخل اوطانها عشان يواجهون القوى الغربيه بيد واحده متكاتفه

الموضوع الأصلي: البدون بالكويت وتعامل رجال الامن | | الكاتب: ابن لفاي | | المصدر: شبكة بني عبس