السيف القاطع
ياسـلام الله سلامـن بـيـن تقـديـر وتحـيـه=بيـن تقديـر وتحـيـه والمثـايـل يحترمـهـا
ابتدا الطاروق والعا قل علئ مبدا ونيه=والعلـوم الثانـيـه والوافـيـه خــذ وستلمـهـا
العاقل
مرحبا ترحيبتن فيها على الطيب حميه=لو تطيح البورصه بالسوق ماينزل سهمها
ابتدا الطاروق والعاقل عرف واجب خويه=والعلوم الوافيه مرفوع يالصاحب علمها
السيف القاطع
لـبــقــئ والــيـــل تـــــوه ولــتــفــت لاهــــــل الـقـضيه=يوم طاحـت بـا المواقـف لا تجيهـا وتعزمهـا
اكتـب ابـعـرف ومعـرفـه بــا الـحـروف البجـديـه=ونظم احروف المعاني مثل من غنا ونظمها
العاقل
القضاياواجده بالتاليه والاوليه=مارحمنا من تطيح ان كان ماربك رحمها
انت لاغنيت سمعنا الحون السامريه= وكان عمرت البنايه لاتعود وتهدمها
السيف القاطع
جـــرت الـمـجـرم تـشـوفـه لا عـلـيــك ولا عـلـيــه=مالـك الا تـروي القـصـه بـعـد سـجـل قلمها
انـت عاقـل ترسـم الـصـوره وعـنـدك شاعـريـه=مير بعض احيان ترميها وتلعن من رسمها
العاقل
الحرامي راح ماحصل كثير ولابليه=وانت تفهم قصته يومن غيرك مافهمها
انت سيف الحرب في وقت العصور الجاهليه=مير ماتقرب من الكعبه ولاتقرب حرمها
السيف القاطع
احترق من يوم صارت بين شمس وبين فيه=والجنايز بااللحد والناس تا كل من لحمها
سـيـف حـاكـم بــا الـعـدل كــل السـريـا والـرعـيـه=وشـريـفـه زارهـــا مـــا نـقــص بـشــرط وظلـمـهـا
العاقل
جاه مايكفيه و الذمه من الذمه بريه=والبدو لاتامن ان الذيب ياكل من غنمها
ذاك سيف الي عسى الله يمهل ابعمره شويه=مهو سيفن ماتعرض للسيوف ولاثلمها
السيف القاطع
كــــــل زايــــــر يـعـتــبــر لاشــــــا ف نــكــبـــه عـالــمــيــه=الـعـرب مـاهـي كـمـا القـمـه ومــن جـاهــا القـمـهـا=
وسيف ابن عمك عسئ ايامه با ها الدنيا مديه=سيف عبس اللي يزعـل نـاس ويضيـق نسمهـا
العاقل
ماهو لاقيله عشاء بين الحرار الصيرميه=عاش راسن لا لقا ناسن تبي تخطي كتمها
مانقول الا وكفو ولاهي بلك الاولويه=وابتدينا بالسلام وبالسلامه نختتمها
السيف القاطع
من نظر با العين ما ينظر ياغير ابنار حيه=بـارك الله بـا الرجـال اللـي تمـدك مـن كرمهـا
ماعـلـيـك اقـصــور عـايــش بـيــن مـكــه ولـحـويـه=ولـســلامــه والـتـحــيــه والـــوفـــا قــســمــه قـسـمــهــا