تشرفت باللعب مع هرم من اهرام الصرح الشامخ
المكلماني
سلام الله على الشعار والجمهور واللابه=سلام ن ما يثمن لو يثمن بيتي الثاني
عسى الشعار ما تبحث عن المديون واسبابه=وانا عندي سبب واحد يحرضني على الجاني
العميل السري
هلا يا مرحبا من هاجسن كنك تمرابه=هنا في قلعة الامجاد من ماضيت الازماني
ترى الشعار تبغى اللي يدوس الموت ميهابه=يجيب العلم ويودي وعنده قلب ولساني
المكلماني
يدوم ابك البقا يالشاعر المهضوم بحسابه=لحيث انك عميل ن ما يوصابه عريباني
على سبت العلايا لو تشد البيت باطنابه=يورابك على حيده شداد الشيخ مشعاني
العميل السري
مادام المكلماني ينشدون الناس من جابه=اقول المكلماني يا جماعة خير من كاني
وانا سبت العلايا ما اعرفها ولا هي اطلابه=مدامك تطرب لصوت الربابه لا تهجاني
المكلماني
انا خاتم سليمان وغموض القاف واعجابه=وعلى شانك صخرت القاف يومنه على شاني
هذي علاك ابمسكها على منهاج واكتابه=يرقونك على حرفك وتنعاهم وتنعاني
العميل السري
لو انا نفترض فعلا صحيح العلم ياصحابه=وش اللي يثبت ان اللي معي خاتم سليماني
لو انه فيه شئ من الشبه قلت العطا مابه=وراء تبدي اعترافك وتهدم اللي قبلها باني
المكلماني
اثر عرق الثمامه سيل وادي قوع اترابه=معه صلف ن ملزتها بروق ورعدها داني
انا بنشدك عن ليث ن سكن بالضلع والغابه=يمر الحول ما شفته مع الطرقه تعداني
العميل السري
ليا منك لقيت العرق فـ در العرق يتشابه=ما يفرق بينها غير العوارف بعض الاحياني
وليث الغاب لو ما بين وكشر لك بنابه=عيونه من ورى حدود الحمى والذيب سرحاني
المكلماني
اشوف اليوم ما تابه ولا الاحزاب له تابه=حسبت انك وكيل له على صيته تحراني
عطيتك من صبوحي وانت من غبقك تونابه=عسى بالخير تذكرني ودون الخير تنساني
العميل السري
انا ما زلت اعاني من الغياب اللي وش اسبابه=وانا لولا الامل في عودته ما عاد تلقاني
رسالتك اوصلت واثبات راع الخط باكتابه=وباب ن ما يجيب الخير لا شقى به ولا اشقاني
وسلامتكم