[سحايب]

حان الوداع ولا بقى بسكتي دروب
والقلب صاغ من المشاعر كلامه

سوق الوفا ياأهل الوفا صار مضروب
كل من وفا بالحب يدفع غرامه

تلقى الغرامة جرح بالقلب مكتوب
يبقى معاك ايلين يوم القيامه

دام الوفا أصبح بنا اليوم عذروب ؟
ياحظ منهو خان وأحرق غرامه !

..
..
..
..

ماشي أنا حول " الخبـــر" قبل لغروب
قريت جملة "رافقتـك الســلامــة"

وين السلامة والصدر وسطه حروب !
كل مانتهى من سيل شاف الغمامه

كنه حمل من هالبشر ضيق وذنوب
وأطلق لهم من صدق شعره حمامه

ياقلب تسمع بالفرح بين لقلوب
وإلا أنت حلمك ماتعدا ابتسامه !!

كنك على بند المعاناة مطلوب
لا غبت لحظه عنه .. جتك الملامه

مافادك إنك بين الأصحاب محبوب
مادام جرحك طال شوق التئامه !

مدري أنا وإلا أنت اللي به عيوب ؟ !
بس الأكيد الضيق فينا علامه !

لا صرت تدري بكل الأحوال مغلوب !!
أسدل ستار الحب وأعلن ظلامه

راقت لي....

الموضوع الأصلي: حان الوداع ولا بقى بسكتي دروب..والقلب صاغ من المشاعر كلامه | | الكاتب: سحايب | | المصدر: شبكة بني عبس