الشعر بالقلب مرباعه=تسقيه غيمة وتنهيده
ويطق للنجم باصباعه=ويحجم اللاش ويكيده
هذا المسا عذب ذعذاعه=ينعش براده هوى بريده
دار للامجاد طلاعه=بقريب الوقت وبعيده
ديرة نشاما وفزاعه=والعلم يثبت باسانيده
والنفس بالعشق خضاعه=عشق القصيم وغلا بيده
يا تيهة القلب وضياعه=في زحمة الشوق في عيده
يا الربع لا ضاعت اسناعه=تشايموا عن مناقيده
ولا تنشدوني كم الشاعه=الوقت تبعثر مواعيده
لزعيم مساعد الرشيدي