في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح
أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح
لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح
الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح
ياحبيب الجرح شوف إحساس محبوبك عَدَم
: ما يحس القلب في جرحك وهو كله جراح
كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح