كم غلطتةٍ عنها النظرعديته =حلم المعلم باالحياه ودوره
أقول تلميذي اليا قاصيته =اقتل طموحه وأمسح السبوره
أثره بعكس أهداف ماضنيته = سود النوايا داخله مقبوره
يوم إتظحلي والنظر لديته = شحيت بالحارس وشت الكوره
قبلت شعري والجرس دنيته = وخترت نهج ٍيتسع لشطوره
ياطالبي يوم الحماس أحييته = في دربك اللي ماطلعلك نوره
وراك تجحد كل ماسويته = وأنا بيدك أعدل الطبشوره
إخرف حصاد اللي عنك صديته= تستاهله من تربته لجذوره
إلاعن إسمك حالفٍ مابديته = لوالهجير يذوٌب الماصوره
شعري ينومسني اليا حييته =وحده جماهيري وأنا جمهوره
شبه المقارن فيه لاحليته = عقد الجواهر في نحر مغروره
غيداً خذت عقده لسمعت صيته = مع قوغيرة باسها مصطوره
تقول شعراً ماتكسر بيته = يستاهل الشهرة وأنا مشهوره
يكفيك رد العام ماجاريته = يوم اطمعوك العالم المسعوره
حدوك لينا ًالطريق غديته = وزهمت باسمه وإحضنتك بحوره
ليٌم شتاتك حين ماناديته = وجبرعظام إبيوتك المكسوره
الشعر مادارك ولاداريته = مادرت فيه ولادرتك إشعوره
الحبرغلق والورق قضيته = قلبك بليد وفطرتك مصروره
لوطول عمرك تطلبه ما أمديته = نوخ ركابك وإكسر الباكوره
طبق كلام معلمك لوحيته = لاتستمع هرج النفاق وزوره
واللي يقول إن القصيد أعطيته = حقه وحقق فيهك جيل إسطوره
يكفيك تهميشه اليا زليته =وأطفيت شعلة نار فاه وزوره
توجر وتجزا خير لاطفيته = راع النفاق اللي تفوح اقدوره
ابعدغراش القلي وإنثر زيته =إشلع غطا قزه وخذ دافوره
خله يموت وتنحدر ساقيته = وتامن هل الطاله فتيل شروره
مبداك طيب ليه مابديته = عن كل مبداً سيرته مبتوره
من روس قوما ٍ طيبهم ماخفيته = باالجود وعلوم الوفى مذكوره