[زعيم الشواعير]

احساس شاعر انا ابيك تقرا كلامي لانها اندبلت كبدي من بعض الناس اللي كسرو مجاديف عبدالعزيز اللي يعتبر احد زملائنا بالشبكه وولد عمنا القريب

وفيه الرد عليك ليش بعض الناس ينتقدون عبدالعزيز دحيم

خلك معاي صح وركز

عبد العزيز دحيم وغازي البراك يعلم الله اني قعدت معهم وسمعت منهم وهم من الناس المشهورين بالقبيله بمواقفهم

عندك غازي مافيه رشيدي الا يتعب عشانه ومافيه حفل الا يغطيه ومافيه شي يخدم القبيله الا يسويه ونيته بيضاء الرجل هذا ويتمنى الخير للجميع ويعلم الله انه يشرف ويرفع الراس ومع ذلك كسرو مجاديفه

عبدالعزيز دحيم نفس الكلام شاعر وله مواقف ترفع الراس وانا جلست معه مثل ماجلست مع باقي الشعار واخذت منهم وناقشتهم وحاورتهم كلهم وعرفت الخفايا كلها

لكن قبل كل شي خلنا نتفق على اشياء عبدالعزيز شاعر صغير بالعمر له شهره واسعه هذي ميزه وين تلقاها بشاعر اخر من بني رشيد

ثاني شي لعب مع كبار الشعار ولاعمره فشلنا

والطاروق هذا يعجز شعار لهم باع طويل بالمحاوره يلعبون مثله وتراه بملعبه ومع القرقاح والقرقاح هو اللي بادي الطاروق وهذي تختلف الشاعر عندما يبدا اسهله ولكن الصعب انه يرد على شاعر اخر وخصوصا اذكان شاعر كبير

وعبدالعزيز لعب لعب لايشق له غبار مع القرقاح وجمل بلعبه

مر على اللي ينتقدون عبدالعزيز وشف محاوراتهم وهم بمنتدى ماهم بملعبه ومرتاحين ومع شعار نفس مستواهم ماهو مع القرقاح ولاسفر ولاهي وتعرف ان مستوياتهم ماتاهلهم للنقد


لكن المشكله ترى ماهم حاقدين على عبدالعزيز او انه افضل منهم لا والله انا اعلمك ليه ينتقدون

هذولا ناس مأثرين عليهم شعار والله اني اعرفهم مثل مااعرف نفسي والشعار هولاء منافسين لعبدالعزيز دحيم لكن راح للعلا وخلاهم للحين بمكانهم

وش يسوون الشعار هذولا يجون لالقو شاب صغير متعلق بالمحاوره قعدو يطبلوله ويلعبون معه وياخذون رقم تلفونه حتى يكسبونه من جماهيرهم وبعدها يبثون افكارهم المسمومه عليه وبعد فتره تلقاه ياخذ كلامهم وارائهم تقول دميه باائديهم


عرفت السبب الحين هذولا ماينتقدون بناء على معرفه هم نتاج لافكار ناس معينين


ملاحظه استبعد من هؤلاء الطنطاوي والعير لان الطنطاوي كلامه ينبع عن خبره ورجل ثقيل وشاعر يعرف اللي يقول وانتقاده ينبع عن رائه الخاص به ويجب علينا جميعا احترامه

والعير نفس الكلام شاعر ورائه يحترم

لكن الباقين مع الخيل ياشقراء وتحياتي لك ياحساس شاعر