[المجبور]

[poem=font="arial,6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياجرح قلبي أسكت شوي تكفى=خلني أتريح منك لو هي ثواني
يالعنبوك الليل ماعدت أغفى=مدري وليه الله فيك إبتلاني
كل ما أقول اليوم بـا أطيب وأشفى=ترجع لي الأوجاع بالشقلباني
يالصيف عجّل ودي اليوم أدفى=تعبت أشب النار بين المحاني
وتعبت أدور بالبحر أي مرفا=ولا لقيت الشاطي اللي حواني
ماجيت أدور بالمزايين خشفا=كلا ولا ودي أشتهر في زماني
جيت ومعي في جعبتي كم حرفا=أوصف بها جرح(ن) يزيد نزفاني
همي غضى يوم البعض نار طرفا=لهيب جمره يحرق المودماني
همي مرض ماينشفي عند مشفى=يوم البعض همه دواه كوياني
وهمي جمل يامصعب اليوم عسفا=يوم البعض همه يعرف إعقلاني
وهمي بحر يوم البعض سيل جرفا=وكم واحد(ن) بالبحر مات غرقاني
هذا بعض همي وما زاد يخفى=إلا على اللي يقضي اليوم شاني[/poem]