آه مـن قلـبٍ تولـع بالمتيـنـه= وزنهـا 90 كيـلـو يابختـهـا
متنها يعطي حلى والعقـل زينـه = والسوالف كـدرر لامـن حكتهـا
الرزانه بالعشـر ابصـم رزينـه = والـدروب العـوج لله مامشتهـا
فاهمه ماهمـا الطيـش وسنينـه = والدراسه ناجحـه فـي مدرستهـا
ان تثنت مانـي قايـل ياسمينـه= وان مشت تهتز الارض اللي تحتها
وصوتها لامن حكت تسمع ونينـه= ودمها شربات محلـى سولفتهـا
تكره البنطـال والجنـز وتدينـه = لبسها ضافـي ولايـق لطخمتهـا
وشوف عيني يوم هوشتها ذهينـه= امسكت وحده نحيفـه واسدحتهـا
النحيفه مـن بـدت هـي اللعينـه= يوم قالت انتـي دبـه واشتمتهـا
وامسكتها بنت ابوهـا هالسمينـه = وابركت من فوقها ليـن اغفصتهـا
مقديـه بالبنـت خلتهـا عجينـه = احذرن يالبيض ويل اللي ابتلتهـا
لايمي عسى العمى يمسـي بعينـه= ظالمٍ بخته وهـم ظالـم بختهـا
جيتهـا واشوفـهـا دره ثميـنـه= وياعذابي يـوم غرتهـا اكشفتهـا
الحـلا والملـح كلـه بالمتيـنـه= مع نعومة خدها عرض جبهتها
الشاعر
((( تركي الديحاني )))