[الشاطئ المهجور]

سلام الله عليكم اسعد الله اوقاتكم بكل خير

اعجبتني قصيدة الشاعر مسند العويمري وحبيت اجاريها

مشكـور يلـي ليامنـه نـخـي قــدر=وبلمجتمـع كـل يـوم يزيـد تقـديـره
الطيب صعب(ن) مناله وانـت لـه تقـدر=ولا الـردي لا نـواه يشـد فـي ديـره
احد(ن) يبي طيب و وحد(ن) لردى مسندر=ما يمـره الطيـب فـي فيـزه وتاشيـره
احد(ن) على دفتـر التوريـد و يصـدر=ويفسـر الحلـم دايـم غيـر تفسـيـره
و احد (ن) قدومه قـدوم الوسـم لابـدر=لامطـر علـى خايعـن تزهـا نواويـره
و احد(ن) نهايه رغى لوتسمعـه يهـدر=ولا خير فـي رايـه و وجهـا وتفكيـره
والجـرح يولـم لونـه بــدواه خــدر=ونهاية الجـرح يطغـى فـوق تخديـره
و يا مراقب البورصه لين السهـم دحـدر=والسوق لاخسـر ماتعـوض مخاسيـره
اوجزتلـك يـا سعـد ببيـوتـي انــدر=وفي خاطري شي صعب اقـول تفسيـره

الشاعر مسند العويمري

ياهاجس الشعر شفني جاهز مصدر=على خلافة وزير الشعروالسيره
كني غفيت وصحيت وليلتي تغدر=على كسورا جديده دون تجبيره
الطيب لاحاش طيب يهدر ولا؟يفدر=يعطيك صمته ويكسب مصدر الحيره
صحيح قلت السهم دحدرعلى مدحدر=وانت بنظرهم تساوي حبة شعيره
لاقلت ناصر نسيت وقلت يابندر=ياكبر فرق الاسامي ياالله الخيره
شفناعزيزاً وشفنا وجهن مكدر=وكيد تفرق وجيه الناس بصفيره
لدق ظرس البشر نطلب له مخدر=نعطيه جرعه تساوي ربع تشفيره
ياقائد القلعة التاريخ ما تصدر=قراريصعب على الحكام تفسيره
هذي نصيحة عمى مدري لك مقدر=هذا القلم يختصر لك نصف تعبيره

قلم.. الشاطئ المهجور

الموضوع الأصلي: مجارات الشاعر مسند العويمري | | الكاتب: الشاطئ المهجور | | المصدر: شبكة بني عبس