عشقتك كثر مايكره / غريـق / يشرّبونـه مـاي
ولفتك / كثر مالطماع / يرفـض مبـدأ القسمـه
رحمتك/ كثر ماني قاسـي(ن) فامعاملـة أعـداي
ويثبتها/ خفوق امن الغلا لك / ضاق به جسمـه
ولاقد مـرّ / فكّـرت أتسمّـع / هرجـة الحكّـاي
مني في عازته / ولاّ في عـاز أخبـاره الدسمـه
ثقه عميا / قرادة حظ / غيّـر لوتبـي / معنـاي
خطاي انّي أبقطف لـي ثمـر / ماوقتنـا وسمـه
تفاجأت بجنونك / ياجنونـي / يستبيـح ابكـاي
يبي يلمح علامات الحزن فـي الوجـه مرتسمـه
غشيم(ن) مادريت المنبطح يصعب على الحبّـاي
وكايدتن أجي في وسطها / في الساع / منحسمه
أنا / لو العـزوم تخـون مـرّه ماتجـي ويّـاي
أبدّلها بخنـوع يعـز مـن فـي الـذل متّسمـه
تركّد / واعرف ان الوقت مايمحق علـى النسّـاي
وعمر الرجم مايجزع الى مـن جـارت النسمـه