[الزعيم..]

أنا مشتاق اسولف لك واعيد الماضي اللي راح

مدام الحاضر اللي فيه حنّا ماهتنينابه


حبيبي كلّ هالدنيا تعب محدن بها مرتاح

سوى المشتاق مثلي راحته في شوفة احبابه


أنا ويّاك مثل اللي تهايق بالقليب وطاح

تناوش بصبعه حبل الرشا واخطاه ماجابه


غزيتيني واخذتيني رهين(ن) لك بدون سلاح

زهمتي للعيون وفلّ رمشك ضافي اهدابه


يموت الليل في وجه الصباح ويضحك الذبّاح

وانا في صبح وجهك تضحك عيوني وتحيابه


مثل بعض الهدايا شوفتك سيف وعِطر وسباح

تعال اغتال بوجودك زمان(ن) خان باصحابه

وجودك مثل برق(ن) في متاهات الصحاري لاح

تباشر به عيون اللي وحيد وتعبت إركابه

الموضوع الأصلي: أنا وياك مثل اللي تهايق بالقليب وطاح... | | الكاتب: الزعيم.. | | المصدر: شبكة بني عبس