[طفشت]

كل عام يمرني وأنته عن عيوني بعيد=بالحزن..!؟ (أستقبله) و(أصافحه) و(أودعه).

وكل عام (أترجم أحساسي) من فراقك قصيد=وأقول ياليت القصيد اللي كتبته( تسمعه)




عل وعسى تشتاق لي .. والشوق في قلبك يزيد=لادريت أن الجروح بقلب (.........) موجعه..!!




ياكثر من قال (خله) والمحبه ماتفيد=وياكثر ماقلت (أحبه) من يجيه ويقنعه..!؟




علموه أني ذكرته بأول العام الجديد=تكفون من يقدر عقب ماغاب .. لي يرجعه




أشتاق له كثر أشتياق (الجد) لعناق (الحفيد)=وأتحمله كثر أحتمال (السد) موج ٍ يدفعه




وأحتاج له كثر أحتياج القلب دايم للوريد=وأنفعه مثل العشير اللي عشيره ينفعه





ذاب قلبي في غيابه مثل ماذاب الحديد=يوم ولعني وخلا نار قلبي مولعه






أشهد أنه مارحمني يوم خلاني وحيد=طاوعه قلبه يغيب .. وكيف قلبه طاوعه




ماسمعت .. ألا .. شطر .. ويحّرك شعور البليد=(ضاقت الدنيا بشاعر طيب قلبه ضيعه)




آتمناه .. وأريده (والله يفعل مايريد)=وكان مكتوب الغياب..!؟ شحيلتي..؟ وكيف أمنعه..؟؟




علموه أني (فقدته) ياعسى عامه سعيد=وعلموه أن (القصايد) في غيابه تتبعه



كل عام يمرني .. يالأسف .. مامن جديد=بالحزن (أستقبله) و(أصافحه) و(أودعه)..!؟

الموضوع الأصلي: تكفون من يقدر عقب ماغاب .. لي يرجعه | | الكاتب: طفشت | | المصدر: شبكة بني عبس