السلام عليكم ورحمة الله وبركاته
احتفل الشاعر الرائع سالم بن سلمان القلادي الرشيدي بزواجه
في 27// 12//1432هــ بالحليفه في منطقة حائل
وتشرفت بالحضور وشاركت بهذه الابيات
ويشرفني ويسعدني نشرها بهذه الصرح الشامخ
دامت افراحك يا سالم لكل يوم وليله = الله انه يسعدك يا شاعر الميداني
جيت من شانك ومثلك كيف انا ما جيله = ما اقصر الخطوه عن اللي لادعيته جاني
وحليل اللي يقول اني ماجي يحليله = بيت من سالم مثل يضرب مع الازماني
انت شاعر وانت فارس وانت نافل جيله =يكفي انك من سلائل عبس وقلاداني
ويكفي انك كل براقً ينوض تخيله = هقوتك فوق النجوم وترجح الميزاني
ويكفي انك شاعر المعنى وخيال الاصيله = لك مواقف من مواقف عمك سليماني
ابو عبدالله علم بالشعر وافي كيله = فارس بالشعر محسوبً مع الفرساني
انتهت جملة بيوتً شلتها لك شيله = مابقى الا كلمتً لك دائره بلساني
وحليل اللي يقول اني ماجي يحليله = بيت من سالم مثل يضرب مع الازماني