[عبيد الله دعيع]

أتقدم بخالص العزاء والمواساه
الجميع أسر حادث براعم الوطن بجده
وشهيدات حادث حائل هذه الحوادث اللتي أبكتني
بدمعن من دم حسبنا الله ونعم الوكيل
والله يصبر الجميع ويرحم الموتا ويسكنهم
فسيح جناته أنه سميعٍ مجيب
إنا لله وإنا إليه راجهون

يامسلمين شوفو الطريق الهالك المتهالك
بالله عليكم هذا طريق يمشا فيه مسافات طويله
أهمال بالتعليم وأهمال بالطرق
حسبي الله على من كان السبب

عروس الأحمر ..مع عروس الشمالي=صرخاتهن تؤلم اقلوب ٍ لبيبه
جده قبل عام ٍ دمرها الخيالي=صارت مبانيها بمدرج شعيبه
والجرح الأول زاده الجرح تالي=والنار شبت في طرفها لهيبه
في مدرسه فيها البراعم غوالي=اطفال مثل الورد ينعشك طيبه
راحو ضحايا والخطر مايزالي=كلٍ فقد شوف الأبن والحبيبه
واليوم حايل دمعها ..دم..سالي=مصبية ٍ ياكبرها من مصيبه
حادث تصادم..هز كل الجبالي=من جامعة حايل قوام الكتيبه
بنات حائل فرقتها الليالي=عن جامعتها والمصيبه رهيبه
بناتنا ..فلذاتنا والعيالي=راحو ضحايا بالأمور الغريبه
راحت بها الأرواح والموت شالي=أرواح وودع داخل القلب ريبه
يارب ترحم ياعزيزالجلالي=من مات يارب الملا تعتنيبه
وتصبر اللي فاقد ٍ كل غالي=اما حبيبٍ راح وإلاّ قريبه
وأسبابها معروف عند الرجالي=أهمال والموضوع نبغا نجيبه
نقل المدارس مع طريق السهالي=تحت جناح الليل مع صوت ذيبه
مع الفجر ومع السهر ومتوالي=اروح طلعت شمس وارجع مغيبه
هم..وسهر..وغم..فوق احتمالي=والجامعه ماهي بحولي قريبه
وين الحلول؟؟وجاوبو عن سوالي=وان مالقيتو حل والله مصيبه

عبيد الله بن دعيع القلادي

الموضوع الأصلي: رثاء في حادث عروس الأحمر وعروس الشمال | | الكاتب: عبيد الله دعيع | | المصدر: شبكة بني عبس