|
|
لاتــــذبح الحــــــب ....وتوقف على قبره..
لاتذبح الحب , وتوقف على قبره
.. وتصف وقت العزاء في صف شيابي
مابين كل جرح , ماتلقى مغز أبره
.. مو ناقص الا تصير جروحي ثيابي !!
مابي اسولف , وتكشف حزني النبره
, .... ’ أبين أني سعيد وحزني ادرابي
أتصنع الضحك , واكتم داخلي عبّره
.. سويت , لكن زماني ويش سوابي ..
خلاني الضيق , (دايم) للحزن عِبره
.. مدري أعاتب زماني , مدري أصحابي
ماطحت , لو ما لقيت لضيقتي دبره
.. لي عزة لا بغيت اطيح ترقى بي
مع طول الايام عيني تكتسب خبره
.. والناتج يطيح منها , أقرب أحبابي !!
أنا أكثر أنسان واسى بالخفا صبره
..انا رهين الوصل بعيون غيّابي
ليه القلم لا كتبتك يختنق حبره ؟؟
ليه السهر ما يداري شرهة اهدابي ؟؟
الخاطر المنكسر , مل االشعر جبره
. شوف المشاريه ماتت داخل كتابي
الهم , ياكبره بصدري , وأنا كبره
متبادل أعجابه الدايم مع اعجابي
|