[.last breath]

.

..

طيّب وآبن ناس
ومسامح / وحبّوب
وافي ... طبيعي / ماتحب الكلافة

آهيف حشا
مغناج رقراق / غرشوب
مزّاح ... سمح قبال / ما بك لقافة

ميّاس ليّن
مورد خدود / رعبوب
ثقل ... وعقل وأبعاد فكر / وشفافة

هرجك مسافة
جمرة اشفاتك دروب
خلطة عسل دوعن بـ سكر كنافة

آما إنعطافة خصرك حكاية بـ صوب يبغي لها شرح ودروس بـكثافة
ما آكذب لآ قلت إنك مربرب ودبدوب وما آكذب لآ قلت إنك زعيم النحافة_*
يا دوب آقاوم سحر عينيك يا دوب [ماني حمل خصرك] / لا زاد إنعطافه

آتركني أذنب في عيونك / ولا آتوب
ذنبِك ... ولا آحلا منه كود أقترافه
ذيك العيون اللي بها بيت مصبوب
عين المها بين الجسر والرصافه

وصدري / نزاعات وعداوات وحروب
وصدرك / صراع الملك بعد الخلافة_*

والصمت سيّد / والحكي عبد مغصوب ... والدم نازل بالعروق بكثافة
والشوق / جسم وروح طالب ومطلوب ... واللون / باين بالوجيه إنخطافه
باللحظة هذي ينعدل كل مقلوب ... وتقرّب وأنا آقرب منحني بـ التفافه_*


وآذوب وأنت تذوب
.............وآذوب ... وتذوب
.....................وآذوب ... وتذوب
.......................................وذوبانك آآآفه

إي والله آآفه تثمل العقل بإسلوب يعجّز خيال آكبر رموز الثقافة
ثمالة بـ نشوة صحاوة بـ ماجوب بـ علوم ظفرة بـ إنشراح بـ ظرافة
[ياكثر ما منّك وما فيك] والنّوب يبوني أستّطول عليك المسافة_^