[ساره الرشيدي]

شخص اعجبني رده بصحيفه اخباريه حائل آسمه



شملاوي

نداء _سعود بن عبد المحسن

ماراح اناديك الأمير لأن الاماره ورثها ابوك
عن جدك وتورثتها

اقول ياسعود الانسان

سعود الرجل

سعود الي تثبته هالمواقف

سعود بني رشيد عزاها سرمدي يوم غيرها

عزاه ثلاث ايام

سعود حايل صارت فلسطين العلم

نجاهد فيها كل صبح وتروح ارواحنا عبث

سعود تدري الي برابع كليه وش عطاها

العلم يوم ماتت!

ولاشي

ولاشي ياسعود_ملفها بزبالة التربيه والتعليم

مهنا دغش فقد ولدين بسنه وحده وش ذنبه

يفقد حنان

تقول قدر!

قدر بس _افعلوا بالأسباب_

سعود وش حال الي مالهم الا بنت وراحت

ضحية جامعة حايل

وش ذنب ام الشمري الي مالها غيره

من واليها

من يرعاها لاتقدم بها السن!

دار العجزه!!!

الله واكبر ياسعود

سعود رح شف كم باص يمشي من كل قريه

خمس ياسعود خمس

سعود وش ذنب فاطمه الي امها الحين

بمستشفى الأمراض العقليه!


وش ذنب زعل بليعيس عزيز ربعه يطيح

ولايقدر ينهض

سعود وش ذنب اطفال السايق الي تيتموا!

سعود ياسعود ياسعود ياسعود

تدري ياسعود خلاص ماعاد فيها

يكفي حايل شربت دمنا الي راح ضحية علم

نبي نرفع راس حايل وراح دمنا

نبي يقولون بنات حايل مناضلات

مادرينا ان المقابل دموع ابوانا

وطيحة امهاتنا

واخواننا بين الحياه والموت

سعود خلاص ماعاد فيها سعود

ابن جامعات

عبد طرق

حط باصات

حايل شربت دم اغلى بنات

قل للمسؤلين يروحون يلقطون دفاترن

واقلامهن ويحتفظون فيهن تراث لحايل يوم

غيرنا تراثه متاحف

قلهم يعلقون كل ورقه ويشربون كل حبر

على خط مريفق لأنها اغلى واشرف من

قراراتهم واهتماماتهم

قلهم يسوون حفل سنوي لذكرى دم العلم

مثل احتفالهم بالرالي ويوم الوطن

قل لاجاء ذاك اليوم زورو مقابرهن وقولوا

رحمكن الله يامجاهدات

سعود_

الله لايسامح من كان السبب

الله لايسامح وزارة التربيه

الله لايسامح اللجنه الافتراضيه

الله لايسامح الحاشيه



حسبنا الله ونعم الوكيل

ياسعود ياسعود ياسعود يالاحول ولاقوة الا

بالله


http://www.hailnews.net/hail/news.php?action=show&id=24963

الموضوع الأصلي: ماراح اناديك الأمير لأن الاماره ورثها ابوك.. نداء _سعود بن عبد المحسن | | الكاتب: ساره الرشيدي | | المصدر: شبكة بني عبس