السلام عليكم ورحم ةالله ..
الموضوع مجرد اعترآفات ( إعترافك الشخصي )
و ياريت محد يرد بالردود التقليديه ( يعطيك العافيه - مشكوره ..آلخ
.
.
بعض الاحيان ترتاح اذا أعترفت بـ ( أي أمر ) كتمته .. ،
ابدأ انا ..
أعترف .. اني خوآفه لكن مرآت أكون جرئيه ..
أعترف .. اني ممكن اصيح على اي شي .. حتى اتفه الاسباب
أعترف .. اني مغروره لكن غروري ما يمنع طيبتي .. و زي ما يقولون ( غروري ابسط حقوقي )
أعترف .. اني اشتقت لأخوي العود ( مع اني في يوم تمنيت فرآقه ) الله لا يفرقنا
أعترف .. اني احترم كل انسان محترم نفسه حتى لو كان مجرد ( عامل او خادمه )
أعترف .. ان هالسنه متعبه كثييير ( بخصوص الدراسه )
أعترف .. اني ندمت لاني وثقت بناس خاينه ..
أعترف .. اني أعـــز .. لكن مستحيل اقول .. أحــب
أعترف .. اني حبيت المنتدى من اول يوم سجلت فيه ..
أعترف .. اني أعشق المغامره و لو كانت ( عوآقبها وخيمه ) <-- اموت يالفصحى
أعترف .. اني هادئه اغلب الاوقات ..
أعترف .. اني دايم اكون خفيفة دم و اضحك و استهبل وهذا كله عشان اخفي حزني وهمي ..
اعترف .. ان الله رزقني أم و أب ما مثلهم احد بهالدنيا .. الله يخليهم لي و يخليني لهم و الله لا يجيب يوم اللي فيه اضايقهم
اعترف .. ان في اعترافات ما اقدر اعترف فيها
.
.
انتظر اعترافاتكم ..
أختكم
أحلى رشيديه