تغيرت من بعده الدنيا وطوقها الظلام
وانا ولهت اكثر من اللي كنت اخافه من :
وله!
اثر غيابه في سواليفي
وضيعت الكلام
حتى حروف "اشتقت لك"بدلتها بِ : اشتقت له
من كثر ما اقرا ذكرياته
كل ليله قبل انام
حبيته اكثر من قبل وادركت كم كنت اجهله
هنا تلاقينا وجيت اسلم ورد السلام
وهنا ابتسم لي بسمه الشوق الخجول
الاوله
وهنا مشينا مع بعض اول مشاوير الغرام
وهناك كنت اختار من ورد المواعيد:
اجمله !
واليوم امر اللي يبيع الورد
وما القي بِ السلام
اخاف يسالني ..
وانا ماني بـ :ناقص / اسئله
-فهد المساعد <3