[عبداللطيف العايضي]

مسائكم كاااد وصباحكم نفحة من النرجس


لا زالت الأحزان

شاهدت بعيون البشر فرحة العيد=وانا مرايا واقعي عكس بهجيّ
شفت الحزن يرسم بوجهي تجاعيد=وشفت الفرح في وجه غير ماهو فيّ
الحزن وسط الصدر جر التغاريد=أتقول طير(ن) فوق غصن وتحت فيّ
ياوجه ما حولك فرح لو من أبعيد=لا زالت الأحزان بالوجه هيّ هيّ
شخص(ن) لا شفته قلت عيدين في عيد=وشخص(ن) لا شفته قلت ذا وش يبي بيّ
وشخص(ن) ليا من غاب غيابه لنا عيد=وشخص(ن) وجوده شي من غير لا شيّ
ياللي قريب بخافقي وأنته بعيد=متى وكيف أيدينك تعانق أيديّ

للشاعر / عبداللطيف العايضي

شكرا ً لمن مر عابر ورحـــل

الموضوع الأصلي: فـي أيــام العـيـد ؟ ياوجه ما حولك فرح لو من أبعيد %%% لا زالت الأحزان بالوجه هيّ هيّ | | الكاتب: عبداللطيف العايضي | | المصدر: شبكة بني عبس