[أنفاس الفجر]

الأمــومة شئ رائع جدا 00

كل لحظة احب امي اكثر 00 كل ثانية احس اني للحين ما عطيتها شئ من اللي تستحقة

قبل يومين امي جسدت اروع مثل للأمومة 00 حسيت اني لو اصير ام استحاله اكون مثلها

امي شئ ثاني قلبها من ذهب مهما يمر عليه الزمن يبقى غالي ثمين

احس انها تحب العالم كله وحبها للعالم كله ما ينسيها حبها لنا

كل ما حسيت ان حبها كبير عرفت ان من واجبي انتي اعوضها بالشئ الكبير

وكل لحظة اكتشف اني عاجزة عن رد جميلها ولو حتى بشئ قليل جدا

ايام كنت صغيرة كنت احس بالفخر انها امي كنت اشوفها جدا حلوة

كانوا يقولون لي ان اي صغير يحس بذا الاحساس اتجاه امه

لقيت نفسي للحين وانا اشعر بنقس الشعور

إلا انه زاد وزاد الشئ الكثير 000 ما اعتقد الاعجاب والفخر فيها

يرتبط بالطفوله وغيرها 00 هو يرتبط بنبضات قلب الام اللي بين ضلوعنا

فديتها وفديت التراب اللي تمشي عليه وفديت انفاسها