[كحيلة]

بسم الله الرحمن الرحيم
صباحكم كان والا مساااا ’’,,جعله دوم يلفي عليكم على خير..
وكل عام والجميع بخير..وجعل أيامكم كلها أعياد

قصيدة تحاكي الواقع..هي قصة لأحدى صديقاتي عانت فراق فلذات كبدها في ليلة العيد..
وبما انها صديقتي فأني عايشت وضعها وحسيت بمعاناتها وكتبت هذه القصيدة
نيابة عن لسانها ولكنها للسان حالها..

ياونتــ(ن )ونيتها ليلة العيد
ترجم صداها غلّ صدرن جزوعي..

صبيتها بانفاس تدبي من الجيد
دبي الافاعي المقبلة بالشنوعي..

زفراتها جمرن طِوَت روحي بقيد
وسِمّـِـ(ن)يزوم النفس منه تلوعي ..

شبت سعاير داخل الجوف وتزيد
ودمدم ثرى قلبي رماد الضلوعي..

ونيتها,,طرقن يجر التناهيد
لوّ انها بسفـح الثلوج,, بتموعي..

ولو البدو تسمع صداها من البيد
شدو رحايلهم ولااطرو رجوعي..

ولو اشتكي للقاع,,تغلي من الكيد
شاب الزهر وجف رحم الزروعي..

ولو صحتها من عالي حزم الجلاميد
كلن شكى همَه ,,يعوّد قنوعي..

ولو صحت بالالبان دار الملاحيد
ثار الشيوعي بوجه حكم الشيوعي..

ماقد هويت الليل من خوة عبيد
وماجابت الفرقا لخلي ..دموعي..

سهران ليلي مع هجوسن مطاريد
لخد(ن)هديج الدمع ثنّيت كوعي..

لاماعلى عينـي من الخد تنقيد
دام البكا يحشم عليها الخضوعي..

أرجيك يافجرن لاتشرق سنا العيد
وحرّم على شمسك نهار الطلوعي..

عنقي شفوق لضم فص العناقيد
ريحة هلي يابعد كل الجموعي..

القوت والحص وغلا شيخة الغيد
ومزوح الي ضحوك ترف الطبوعي..

وأميرتن تحكي لحون بتغاريد
الي زعلها بضم صدري قنوعي..

ماعدت ياعيدن على خبري اسعيد
وجهين عملتك،، الجفا والقطوعي..

يامن يبيع العيد ويجيه تسديد
قلبي وروحي جبتهن له بطوعي..

ويجيب لي فرحي بشوفة هل العيد
ويضوي ظلام العيد وهج الشموعي..

ويلذ صدري بضمة الجيد للجيد
وتشفي مشاعر دامية للنجوعي..

عيدن سعيد وضاف كل الاجاويد
ضحيته قلبن رفض للخنوعي ..

وسلامتكم..

الموضوع الأصلي: ونتــــــــــــي في ليلـــــة العيـــــد!!!!!! | | الكاتب: كحيلة | | المصدر: شبكة بني عبس