[أحاسيس]

..

ماعاد للنوم في عيوني مقام وقدر
لاوالله إلا عدوٍ لي ولاهو رفيق

رفيقي اللي معي في كل ليل السهر
اللي لو انه يعاديني عيوني تضيق

ياعاشق الجرح مالك في غيابك عذر
ماني على خبرك استحمل غيابك واطيق

كم لي وانا استحملك واعيش عمري صبر
ليتك بخفاقي اللي فيه جرحك تويق

انا غريق ٍ بحبك وانت حبك بحر
وشلون تنقذ من البحر الغزير الغريق

العمر مره وانا عايشت جرحك عمر
حتى غدا الجرح من طعنك وهجرك عميق

لاتحسبن الشعور ليا كسرته جبر
متى من احساسك البارد تقوم وتفيق

لكن وش رايك انقفل دروب الهجر
وكلن عن الثاني يدور مسار وطريق

انته مجمل ودربك في حياتك خضر
وانا بيبقى معي جرحك لحالي رفيق

الموضوع الأصلي: مآعآد للنوم في عيوني مقآم وقـدر .. لاتفوتكم روعه | | الكاتب: أحاسيس | | المصدر: شبكة بني عبس