عرض مشاركة مفردة
  رقم المشاركة : [ 641  ]
قديم 01-11-2011, 09:01 AM
سعد بن عادي
عضو مجلس الإدارة
الصورة الشخصية لـ سعد بن عادي
رقم العضوية : 638
تاريخ التسجيل : 9 / 12 / 2006
عدد المشاركات : 7,686
قوة السمعة : 26

سعد بن عادي بدأ يبرز
غير متواجد
 
الافتراضي
أحيان يعييك الدهر حتـى ولـو إنـك حكيـم
تصبر على جوره وتقنع من صروفه بالقليـل

لكن تعلم من دروس الوقـت وأفهـم يافهيـم
وأخذ الكلام اللي عليه اثبات برهـان ودليـل

إليا مدحت أمدح كفو وإليا خدمت أخدم كريـم
ترا رديّ الفعـل لايمـدح ولا يخـدم بخيـل

ولا تخاوي اللي على قول الخواجه سيم سيـم
يظهر على وجه الردى ولا على وجه الجميـل

وأعلم تراك من الجليس ومن تخالل والنديـم
إن كان راس كنت راس إن كان ذيلٍ كنت ذيل

خلك مع أهل الدين والمعروف والنهج السليـم
اللي يبادي ذكرهـا نعـم المخالـل والخليـل

وأقلط على اللي يعشقون الطيب والعز المديـم
تامن بهم لاضاقت الدنيـا وضيّعـت السبيـل

أجواد تلقاهم سواة النور فـي الليـل الظليـم
وقفاتهم عند العواني والخوي تشفـي الغليـل

وأحذر من اللي همهم عند العوايـل والحريـم
ترهم ضعاف نفوس لو زادو من المال الحصيل

أرزاقهم هبابهم والبخـل فـي الحلـه مديـم
والخير ماتذكر به قصـار اليمانـي مستحيـل

هاذي نتايج تجربه وأمثال قيلـت مـن قديـم
فيها العْبر تاخذ بها العقّال مـن جيـل لجيـل

أقولها من هيض ولا غيض والعقـل الحليـم
يدري بها في مجمل الواقع ولا يدري الهبيـل



..