[المرقاب]

اقتباس من مشاركة زراق الاشهب نادو الكابتن نبى ناخذ معه طاروق كايف = قبل لايسري وحنا مانشدنا كيف حاله العرب في لندن تصيف وخليت المصايف = يشبعك فنجال يوم الناس تشرب بالبياله

اقتباس من مشاركة الكابتن جيت يازراق الأشهب تحسبني منك خايف= مرحبا باالداب ابو سنين وحروف الرساله العرب والغرب تال ايامنا ماهم ولايف = شطر مدري كيف مير احسن لك ادور بداله

اقتباس من مشاركة زراق الاشهب جابك الله وانت ضيف ن ماتكلفنا كلايف = البقابك ردة ترفعك ياراع الجماله اضحكوله ياجماعه صاحبي عنده طرايف = قلت هذا تاجر اثره ماقدر يبني بقاله

اقتباس من مشاركة الكبين

المدى وجه الفجر والفجر معروف الوصايف=والشجاع اللي مع المشوار مايفقد حلاله

جيت حلمك ملي صدرك وانتبه لا تروح عايف=مشكلتنا يسبق الأحداث تصريح الوكاله

اقتباس من مشاركة زراق الاشهب كيف ابن مربح معك يالكابتن يسوق الردايف = بعض خلق الله حليل وينكبه كثرة خباله مشكلتك براسك اللي يحسبنه راس نايف = والدليل انته سواة اللي سبق فعله خياله

اقتباس من مشاركة الكابتن حظنا مع اهل الحظوظ إن كان لك حظ متهايف= والحسود ليا زعل لاعل فالي ماهو فاله هقوتي ماهي قريبه مثل ماحضرتك شايف= والردي له هقوة ٍحوله ولا توصل حباله

اقتباس من مشاركة زراق الاشهب الله اكبر كيف ابن مربح لفى الضلع المهايف = هب ياوجه الكذوب اللي ببى يظهر لحاله والردا طبع الرجال اللي تجيب الهرج زايف = لو تهقوى حيلته تكشف لنا ضعف احتياله

اقتباس من مشاركة الكابتن من كبر غبنك تسولف معي وعيونك ذرايف= واعرف إني شاعرٍ مايطيح من راسه عقاله ما تعلمني علامك ملحق ٍ نفسك حسايف= ابن مربح يشري جنيهات شاعر في رياله

.................................................. .............

الموضوع الأصلي: تنسيق محاورة الشاعر الكبير الكبتن والشاعر زراق الاشهب | | الكاتب: المرقاب | | المصدر: شبكة بني عبس