الله من قلب همومه مراديف
اللي صدر واللي على التو حامي
تقول شط (ن)حاديته العواصيف
قامت تزاحم من جنوب (ن) وشامي
كأني بوسط الموج بين المجاديف
تاره نجية وتاريتن(ن) حطامي
على الذي منزالهم عالي منيف
أهل السلوم الطيبه والحشامي
وأهل المكارم والدلال المهاديف
والدين والحكمة وكبر الأسامي
وإبعد عن اللي ماتعرف المعاريف
أهل النفاق مزورين الــكـلامــي
محرفين المجد بالكذب تحريف
وبالمال تصنع مجد ماله مقامي
المجد ثابت مايبي له تـكالـيف
والسيف حده صاطي ف العظامي