[الـريـم]

هذي الرساله لك من القلب للقلب
عسى دروبك .. تمتلي ( خير و ورود )
غيّرت إسمك ياحبيبي من : الحب
خلّيته ، غير الناس كلْهُم [ دهن عود ]

بخير عايش و أحمد اللـه ~ طيّب ،
__________ من وقت مازارتني أحلامي السود . .

يرعبني < كابوس > الفراق ، ويهيّب . .
__________ أصحى ألتفت . . وأتمنى ألقاك موجود !

إنت [ المدينه ] في عيون الغريّب . .
__________ ولما أشوفك فرحتي مالها حدود !

ليتك مثل ما < غبت عني > تأيّب ،
__________ لأني وعدت القلب - أيام و تعود .

أخاف راسك من غيابك " يشيّب " . .
__________ تعال لي ، وكلّي لك سهود ومهود .

مو كل [ قريّب ] ياحبيبي .. قريّب :
__________ عندي على ماأقول إثبات وشهود !

منت الحبيب الأوّلي يا { حبيّب } ،
__________ لكن ~ أحس القلب ، مجنون بك زود . .

خيّب ظنون " العاذل " | ولا تخيّب
__________ ظنّي | وأنا اللي فيك بالحيل محسود .

حُبك تعتّق داخلي وصار ( طيّب ) . .
__________ وتلومني إن قلت لك يا [ دهن عود ] !




راقت لي

الموضوع الأصلي: دهن عود | | الكاتب: الـريـم | | المصدر: شبكة بني عبس