محمد المويزري يرثي الأمير سلطان بن عبدالعزيز
الشاعر القدير/ محمد المويزري ألقى أول قصيدة مدح له أمام صاحب السمو الملكي الأمير سلطان بن عبدالعزيز آل سعود رحمه الله أبان زيارة سموه لجمهورية مصر العربية عام 2006
وقد ذكر ذلك في قصيدة أخرى عندما قال:
تحاول بي أهل المال في ذكرهم بالدان=وأجنبهم ويلعب على قلبي حبيّب
تركت لكم شيوخ السوالف على مجان=ولا بان سيف الدوله أبشر باأبالطيب
مدحت (الكرم سلطان) ومحمد الشيخان=وباقي قصيدي يعتق أرقاب ويشيّب
وها هو اليوم أول من رثى الأمير سلطان بن عبدالعزيز رحمه الله
بعض المصايب غير كل المصايب=وأكبر مصيبه للعرب فقد سلطان
حكام طاحت وأعتلتها النصايب=ماهزت قلوب ولا رفت أجفان
إلا أنت ياسلطاننا فـ / النوايب=عاذر عيوني فيك لا فاضت أحزان
عليك دمعي بالفجيعه سكايب=من أصبحت فالسبت حتى مسيان
من لا حزن لك ياأبيض الوجه خايب=ومن لا دعالك ماعرف طعم الإحسان
كنت الحقيقه في زمان العجايب=وعشت لتقاليد العرب خير برهان
مرحوم ياأمير الكرم والنشايب=ياسابق في كل كلمه وميدان
((مادحك)) يوم أنك تقود الكتايب=واليوم أوصي فيك قبرك والأكفان
الله يبيحك ياشقيق السحايب=في وقفتك/ ويمينك ظلال وأمزان
والله يحلّك ياشبيه الهبايب=مغلاق للفتنه وللخير عنوان
والله يحرّم عنك حر اللهايب=ياناصر السنه على عوج الأديان
أكرمك ربي كثر ماأكرمت شايب=ورحمك رحمتك لأرامل ويتمان
وأمنك كثر اللي لجا فيك هايب=وفرجلك الشده وعلاّ بك الشان
وأسكنك بالفردوس بين الحبايب=محمد وآله وصحبه والأخوان
فقدتك عندي مثل فقد القرايب=أقولها لك حق من قلب ولسان
كم حاضر فالناس /بالفعل غايب=وكم غايب سيرته في كل ديوان
آخر تعديل بواسطة فضي البراك ، 23-10-2011 الساعة 03:12 AM.
| توقيع فضي البراك |
الموقف اللي صار مر وتعدى !=حتى لو انه هز قلبي | عــوافي ..
المشكله ماهي "رديّ وتردى" !=المشكله لامن "تردى سنــافي"..
يشرفني متابعتكم
fadealbarrak@
|
|