[بن هادي الرشيدي]

يا هيه ياللي فراقي هو مطاليبك=هذا قرارك ولا عندك طلب ثاني
ما دام ما لك بقربي شف ما ليبك=يلعنك حب/ن/ على شرواك يحداني
ابعد وخلك على صدك وتغريبك=هذا جوابي مادام انك تحداني
وراي لا تتعب بكثرة مناديبك=العلم عن ما تريد وما تبي جاني
وصل الخبرقبل لا تاصل مكاتيبك=واقنعني العلم واللي فيه وصاني
لاتحسبني اليا قفيت مصخيبك=كل/ن/ بجازيه باللي فيه جازاني
ان طبت لي طبت واغطي على طيبك=واثني ورى الطيب تقديري وعرفاني
واشين لاشنت في طبعك واساليبك=يبين لاشاف طبعن منك ما ارضاني
لي جيت برضاك ماجيت بتلابيبك=وابديت لي رغبتك بالحب من شاني
والقلب في جيتك رحّب وراضيبك=من بدة الخلق قاصيها مع الداني
واليوم عقب الغلا بانت عذاريبك=واشوف عقب الوصل تسعى بهجراني
غثربت عقب الغلا صافي مشاريبك=كشفت مضمون سدك والخفاء باني
صحيح فيك انخدعت وبانلي عيبك=بانت مواريك وانت بما حصل جاني
رح لا انت ضيفي ولاني من معازيبك=لاراجي/ن/ منك قرب ولا ترجاني
قررت فرقاك والفرقاء مطاليبك=اخترت فيها ومني جتك مجاني

صح لسانك ملايين