17-10-2011, 06:00 PM
|
|
داخله طفلٍ عشق كرّاسته والعابه يرسم همومه ويخفي اسم راع اللوحه
ياعيون اللي يهوز الصيده بمخلابه
ماعرف برقع ولا الملواح رد شبوحه
مبتلش به عاشقٍ للطير بس ماجابه
ذاير ولاهو بملك الا هواه وروحه
طالبك مافيه شيٍ يشغلك وتهابه
أقبل وعالج خفوقٍ ماتغيض جروحه
قد غدر به واحدٍ حده على ماصابه
هز جدرانه ولكن ماقدر لسفوحه
وقد غدر فيه الزمان اللي كِشَر بأنيابه
وطاح واقف بس روحه كنّها مذبوحه
داخله طفلٍ عشق كرّاسته والعابه
يرسم همومه ويخفي اسم راع اللوحه
وقدم خلق الله تقمّص قسوته وارهابه
لجل ماتاطاه رجل العالم المشفوحه
طبّق(ان ماكنت ذيب اعرف كلتك ذيابه)
قال اعيش الدور والجمله ترى مشروحه
ماثنى دون الجزاله هقوته وركابه
ولاتدنفس بالعلوم اللي ماهي مسموحه
ويوم شافك جاك مافكر بضبط اعصابه
حس فيك الصدق وانك صرت توأم روحه
مالبس جلباب عندك ماهو بجلبابه
قال انا قدمك كتاب وصفحته مفتوحه
وانت قرر وش تقول بعاشقك وكتابه
بعد ماانهى قصته واهداك صادق بوحه
ياتعال ولاتخاف وماش شي تهابه
أو توكل خل قلبٍ ماتغيض جروحه
|