والناس ماهمنـي كثـرت حكاويهـا
حتى لو اللي حكوبي بعض الأقرابـي
مقيول صعبه جميع النـاس ترضيهـا
لأرضيت طلاب حاجه جاك طلابـي
يالله ياللـي جميـع الخلـق تحييهـا
يامنزلٍ سـورة التوبـه والأحزابـي
تفـرج لعيـنٍ لذيـذ النـوم جافيهـا
تقول فيهـا حـروبٍ بيـن الأهدابـي
واسألك نفسي على الطاعـه تقويهـا
يواحدٍ من رجـى رحمتـك ماخابـي
سبع السموات تخضع لك بأراضيهـا
وشلون مايخضعون اصحاب الألبابي