.
..
أقبل يحرك خطوة الرجل برفوق
والقاع لمصافح خطاه يتشوق
مخلوق لكنه ماهو بأي مخلوق
على بنات آدم وحوى تفوّق
عليه لبسٍ يجمع الوسع والضوق
موسع بعضه وبعضه مضوّق
مر وتعدى مابدى منه منطوق
إلا أنه بجيش المفاتن مطوّق
خلاني أمشي وأقضب الدرب واتوق
ماني بتايق عقل لكن متوّق
تقول مرميٍ على الأرض من فوق
وإلا من السم السقطري مذوّق
يغمى علي شوي وشويٍ آفوق
وأقول لا من قمت والبال روّق
مادام لا آمعوّق ولا لاحقه عوق
وراه يمشي مثل مشي المعوّق
واللي على حاله خطر من هل السوق
مفروض يمنع مايروح يتسوّق