[عايض بن صالح]

اقتباس من مشاركة ابو عوجه رساله من ابو عوجه الشاعر الكبير عبيد صالح الشويلعي نعم نعم سجيت رجلي مع ديار ٍ كثيره= ولافيه ديره ماعرف سلم أهلها أخذتلي جوله بشبه الجزيره=ومشيت مع عسر الديار وسهلها وخاويت لي من كل ناس وعشيره=بصنافها وشكالها وبعملها ولولا التجارب كان بحت السريره=لكان بيباني موثق قفلها من ينتخي بأهل اليدين القصيره=جاهل ونفسه غارقه في جهلها وياعبيد شيال الحمول الكبيره =اللي الياكبرت جملها جملها يامكرم ٍ ضيفه ومكرم قصيره=يابن الرجال اللي حميده خصلها اللي مثل شرواك أحب استشيره=لون ميلات الزمن مايعدلها لكن اله بالتجربه كل سيره=رجل ٍ يميز عورها من حولها هو أحد يخاوى النفاخ كيره=هو احد يعرف المراره وكلها هو البحر ينبت سنابل شعيره=هي تدري نفوس العرب عن أجلها الطير يعرف ماقعه من مطيره=هو العرب تعطى الثقه من ختلها يالسيقي اللي ذاخره في جفيره=رسالتي لايخيب الله أملها أيامنا مثل الرحى مستديره=كم خزنة في بطنها من جيلها وعبر الاثير اللي سريع ٍ مثيره=نصتك خف الريشه المن حملها

حياالله الرساله وراعيها لو ردينا على عجل

يالله عسى في سجّة الرجل خيره=يامن مشى ريف الديار ومحلها
احيان رجله مع طريقه مغيره=واحيان يقصرها وتمشي مهلها
واحيان يرقى من بلاه العسيره=وتبقى هذيك بخاطره ماحصلها
مثل الغزال الجافل المستذيره=اللي رمى راع السواري فحلها
يالشاعر اللي داج في كل ديره=حياك من غر النواشي حملها
مدري وش اسميك محتار حيره=رغم البيوت اللي من الالف للها
نصيتني باسمن علومه مريره=اسمن يضيّع في حصاها حجلها
لكن تراها الاوله والاخيره=ام المعارك مايتخفى بطلها
ياذيب ياراع العيون الشطيره=يامن نقض عسر البيوت وفتلها
من قالك راع العيون الضريره=عمره بعود المكحله ماكحلها
جوّاّ عن وروده صفا جم بيره=تمحا مساكن دار حياً نزلها
والياحداك الوقت ماهي صغيره=تضيع بين سهالها مع جبلها
بعدك عن اللي قلت عرف وبصيره=لو شجرة الزيتون ينقط عسلها
ورسولنا والسنه المستنيره=علمك درب الطيبه من وحلها