[بندرالرشيدي]

بسم الله الرحمن الرحيم

السلام عليكم ورحمة الله وبركاته ،،

أحبتي،،أسعد الله أيامكم..ولياليكم.
متواضعة أتمنى أن ترتقي لمسامعكم..

هرج القفا،،

هرج القفا ضعف ومذله ونقصان=ولايصدر الا عن منافق وممهون
طبعه لئيم ولادخل قلبه ايمان=مغبون في الدنيا وبالذنب مفتون
ما يختلف في عرفه فلان و فلان=يدرون فيه الناس لو مايقولون
تخالف علومه على غير برهان=لاهو بموزونٍ ولا الهرج موزون
يسعى لتفريق الجماعه والاخوان=ولا هو خوي اللي على الخير يسعون
صارت محشا ت الخلايق له ادمان =حتى الذي وسط المساجد يصلون
يحلف برب البيت زورٍ وبهتان=سحا يبه ما قبلها برق ومزون
لو فيه طب أعالجه قدر الامكان=عن علته كل الاطبا يعجزون
يزيدني شهرة ويزداد حقران =عند الرجال اللي لمثله يحقرون
خسران في الدنيا وتابعه خسران=غير الذنوب المهلكه مايحصدون
ما عند مثله للرياجيل ميزان=خله مع امثاله عساهم يدجون
خوته ضعف و نقص ماترفع الشان=والحر مايرضى على نفسه الهون

مع خالص،،

التحية والتقدير،،

::
محبكم
بندر بدر الرشيدي،،

الموضوع الأصلي: يزيدني شهرة،،ويزداد حقران!!(هجائية) | | الكاتب: بندرالرشيدي | | المصدر: شبكة بني عبس