28-09-2011, 12:28 PM
|
|
سبحـان ربّ الميّتـه والحيّـه اللي عذابـه يسبقـه غفرانـه رب ٍ تعالى وأعتلـى كرسيّـه والكون كان بحكمتـه سبحانـه ندعوه في وقت ٍ غشانا غيّـه يضفي علينا عفوه ورضوانـه الشرّ .. شات الكوره الأرضيّه والخير .. قفّل دونهـا بيبانـه وأحداثهـا خيالـه ورجلـيّـه منها قنوات الفضـاء مليانـه الظلـم فجّـر قنبلـه ذريّــه و العدل عيّـا يعتـدل ميزانـه طاحت وقامت ثـورة الحريّـه والشعب دك الشارع بعصيانـه أحد ٍ .. يقول مظاهره سلميّـه وأحدٍ .. يقول موامره خوّانه ! والأمن بين الذيـب والجنيّـه لا أوحى قنيب الذيب زاد إجنانه و ناّنـة الإسعـاف والدوريّـه في كل ليله فـي البلـد ونّانـه ثار الرصاص وناحت القمريّـه وطير السعد ضيّع جميع الحانه والكارثـه بالنشـره الجويّـه كنّ الغيوم من البشر زعلانـه أمـا تجينـا عاصفـه رمليّـه وإلاّ يناولنـا الجبـل بركانـه مخطوف لون أحلامنا الورديّـه والواقع الملموس شهب ألوانه ترمش عيون الطفـره النتيّـه وتجرّنـا بعيونهـا الفتانـه ! وكلّ السبايب من خراب النيّـه قلوبنـا فـي غلّهـا بلشانـه يا مراجعين السيـره الذاتيّـه الطيّب اللـي محتفـظ بإيمانـه لا تشطبـون الكلمـه العفويّـه اللي كلامه صح .. صح لسانه
|