[عطر الاوركيد]

بشوييييش ....
ياتنهيدة الضيق بشويش
مابي تمرّ وتسمع شهقاتي .. [ أمّي ]

مابي تجيني
تسألن ..ضيقتي ليش ؟
وافزّ أكفكف دمعتيني بكمّي

وارسم على طرف شفاتي أثر طيش
أفتح كتابي .... كنّه الدرس همّي


تطقّ ..باب الغرفة
وارجع أعيش
ياحشرجة صوتي وأنا أقول سمّي

تدخل ..
وأنا أحسّ انها تدري بإيش
تدري باني جفّ دمعي .. ودمّي

وتسأل : تعشّيتي ؟
واقول : انتي العيش
وتاصل شواطي ساحلي قبل يمّي

وتقفي ،
وهي تعطي المواجع بخاشيش
تدعي لي ... ودمعاتها ....... ماتسمّي .
..!*