السلام عليكم ورحمة الله وبركاته
كل عام وانتم بخير
اهدي لكم هذه الابيات اللي تعبّر عن مابداخلها من احاسيس شعريه إهداءً عاماً لجمهوري وخاصاً لأستاذي الشاعر محمد الراشد
ولأن القانون الشعري يقول ان القصيده عندما ينشرها صاحبها فأنها تكون ملك جمهوره فمن هذا المنطلق أقول للمنشدين والمصممين باللغه العاميه (خذوا راحتكم)
خاويت ناسً ما أعرف وش هدفها=حتى تعبت وخاطري طاب منها
أيام راحت نطلب الله خلفها=اقفت وفي كفي مضارب رسنها
اللي زرعها وأثمرت ماقطفها=واللي رفعها عزّ غيره دفنها
وأيّست من رجوى السنين وصلفها=ومعاشر أهل المصلحه ومحضنها
وأنا اللي اليا أستدبرت ما أعطفها=أما نعيش بعزّ وألا كفنها
روسً نشرّفها وروس نعسفها=وعيون نكحلها ونجرح جفنها
واللي من أول عايشً في كنفها=نفسه على ناسً تعزّه شحنها
بعض المواقف ليت ربي صرفها=تستفحل أوجيهً صغيرً بدنها
بأمور نجهلها وأمور نعرفها=وأمور صعب ان اشرح الوضع عنها
أصل الحياه دروس جرّب وشفها=حتى تعرف اسباعها من عدنها
آمل ان تحوز على اعجابكم
اخوكم زايد ابن عدله