كثير ..،
من شعري ماهو منكتب فيك
تنفيس عن بعض الحزن و " الكآبه "
و تفائل ..،
آحيان ، وخيال ٍ يناديك !
و آحيـان لـ مْجرد ( جنون الكتابه )
ولو إني ..،
أدري بـ إن شعري يوفّيك !
( حقك ) كتبت لك و قتلت الرتابه
لكنّ ..،
حبك فوق وصف ٍ يجاريك
أحبـك بـ ( صمتٍ ) يزيد الصبابه !
( لك حق ..،
تزعل ثم لك حق نرضيك )
زعلك أنا وشلون مـ احسب حسابه ؟
ماتدري ..،
اني كل مـ أغيب أداريك
يا واحـدٍ ربي ، وهبك [ المهــابه ]
اشتاق لك ..،
واشتاق حتى لـ طاريك
لكـنـّي آحيانـا ً ( أخاف ) اقترابه !
عندي ..،
مبادئ تختلف عن مباديك
حتى و لو قالوا كثير [ نْتشابه ]
غريب ..،
طبعي مثل غربة [ لياليك ]
يا حلوك ويا حلو معك الغرابه