[صعفق]

يانـوت../. ماللحناجـر صـوت
دام الاحـاسـيـس بـرقــاده
ولابالقصايـد فخر../.يـانـوت
لاوالــذي كـافـل عـبــاده
كم لي../.وانا آصفصف الياقـوت
وازيــن الـجـيـد بـقــلاده
عروس فكرٍ../.مهرهـا المـوت
بـيـن اسهدالعـيـن ووســاده
عطشان../.واسقي كروم التـوت
ليـن الـحـلا ثـمَـر زيــاده
قـدمـتـه معنقدٍ../.مـفـتـوت
مثل الشهـد فـي شفـى غـاده
ادراه../.عـن عيبـه الممقـوت
وحُمـرة خجـل عيـب نـقـاده
كم هزت به../.ماحشمت بشـوت
وكم حـزت بـه نعـم وايشـاده
وكـم معضله../.حلهـا بسكـوت
وكـم عــازمٍ قــدم قـنـاده
واليـوم يانوت../.بـه مكبـوت
مــوااات والخـلـق هـجـاده
اصبحت به../.مثل راع الحـوت
وامسى لـي حصـان طـرواده
ان غبت محـدٍ عزفلي../.نـوت
غيَـااب فـي صـوت مـيـاده
وان جا../. بصوت القصيد خفوت
كـم يفقـد الــزرع حـصـاده
اصحاب شعرٍ../.لبستـه كـوت
لوأجـدعـه مــاش نـشــاده
يانوت ../. انا احسب رفيقي قوت
واحرص علـى كونـي سنـاده
ماآبيـه ليلـة سهر../.وتـفـوت
نـارٍ عـقـب يــوم رمــاده
يابنت../.صرت احسد المبخـوت
الـلـي عـلاقـاتـه ربـــاده
يانوت../.ومقوصـرٍ مسـمـوت
حليـت طنبـه عــن اوتــاده
ماعـادلـي فالبيوت../.بـيـوت
ولاعـاد لــه نــار وقــاده
لواني ادريـه../. فـات الفـوت
حـرٍ وقــع بـيـد صـيـاده
لكن../.عسـى خالقـه يـانـوت
ينجـيـه ويحلـحـل قـيــاده