الـلــه من همٍ طواني وانا حي...همٍ بدى يجلب على الحال طيا
همٍ طواني طي طي علي طي...طي الشنون اللي على غير ميا
ابكي واعبر ضحكتي دون لاابكي...من خوف لااحدٍ يكتشف ويش فيا
لو في مما في مااقول وش في...اخاف من نمات راعي القفيا
واونس حرارتها على الكبد تكوي...وتثر على باقي المعاليق كيا
واشتم زماني من شماتات حظي...حظٍ ردى عن ماتنوله ايديا
غدالي الحظ الردي دون لاشي...لاهو بميت ولا مع الحي حيا
يلعبي الهاجوس غربي وشرقي...واسهر الياما يغيب نجم الثريا
بلوى علي من الهوى فيه مبلي...بحسن الجمال ابو خديد بهيا
اللي سواليفه بعقلي تسلي...واهني منهو في حياته هنيا
ان جيت ابدله واترك الزين والسئ...قلب العنا لو جيت ابنهاه عيا
وصبرت صبر وبيح الصبر مااخفي...وغديت مثل المصلحين العميا
اهل القلوب اللي على عاتق الغي...جهال مايدرون عن ماايتهيا
وانا ماني جاهل لكني مولي...تجبرني ادروب الجهاله بليا
شكواي ابشكيها على من له اشكي...رب قدر في حكمته كل شيا