[هذيان]

.
.

ايه لازلت اذكر الرهبه ونفحـات المواجـه=والأماني والطقوس الصعبه اللـي تعتريهـا

مااذكر اول سالفه بس اذكر ان هناك حاجـه=كنت ابااطلبها وبالصدفـه سبقتينـي عليهـا

اذكري فصل ازدهار الحب بس انسي خراجه=وافتحي بالذاكره طاقـة حنيـن وسكريهـا

تذكرين اللحظه العذراء وكفـي واحتجاجـه=تذكرين الفرصه اللـي قلـت حذرأتهمليهـا

تذكرين الهمس والبسمه وشعري وابتهاجـه=تذكرين اللحظه اللـي موتنـا منهـا وفيهـا

تذكرين الحلم لحظة مات في عنق الزجاجـه=تذكريـن ذهولنـا والكارثـه ترفـع يديهـا

ايه اظنك تذكرين العاصفه قبـل العجاجـه=مانسيتيهـا وقلبـي يالحبيـبـه مانسيـهـا

تذكرين اثنين صكو بينهـم بـاب المواجـه=قالت انته تشتكي قصه عليك ابغـا اشتكيهـا