[المحترف العبسي]

السلام عليكم ورحمة الله وبركاته
هذا الطاروق رباعي بين الشاعر زايد ابن عدله والشاعر نواف حمدي الخياري والشاعر نواف زاكي والشاعر ذاكر عبيد في حفل زواج الشيخ احمد عماش العويمري يوم الجمعه العيد الرابع 4/10/1432
الطــــــــــــــاروق

زايد ابن عدله
قالوا رباعيه وقلنا ترى الدور =ذاكر معه خاله وانا مع الخياري

نواف الخياري
ياذاكر الميدان ونقول مشكور=ابا انطحك بالسيف والا الشباري

نواف زاكي
العبد يالاصحاب منهي ومامور=والضلع فيه اشوف ذيب الغداري

ذاكر عبيد

انا على الميدان حاضر ومحضور=الظاهر انك يالحبيب انتحاري

زايدابن عدله
اشعيل مايصبر على مست الجور=الا ليا صابه هبوط اضطراري

نواف الخياري
حنا نعرفك مانت رجال مغرور=اقولها واقول حسب اختياري

نواف زاكي
النا شداد شعيل وانته على الكور=هذا كلام الترمذي والبخاري

ذاكر عبيد
المعرفه من بيننا ستة اشهور=عسى تدوم ولاتجيها ذواري

زايد ابن عدله
محولك عنها من سنين وعصور=لكن دور معك شخص استشاري

نواف الخياري
المعرفه كنزً ولايمكن يبور=يالشاعر اللي فيك بعض الطواري

نواف زاكي
انا ماشفتك غير مع شقت النور=عليك للكذاب بعض المواري

ذاكر عبيد
سج القدم سج القدم واخلف الشور=ترى الحقايق بين كاتب وقاري

زايد ابن عدله
عنتر شجاع وروّعه باللقا ثور= يهبي يانكبات بعض المساري

نواف الخياري
بعض العرب ياصحابنا علّة نحور=لكن ابعطيه الكلام الوزاري

نواف زاكي
ماهو على الثيران بالوقت مجبور=وانا مثل عنتر وهذا قراري

ذاكر عبيد
للشعر دكتورً وللطب دكتور=هذا الكلام اللي مع الناس جاري

زايد ابن عدله
اللي يدق الطبل ياصحابنا كور=اركد قبل تصدم جسور الكباري

نواف الخياري
انا مع اهل الشعر شاعر ودستور=لكن حاول بالطريق الجباري

نواف زاكي
الكور عندي والطبل عند منصور=ابشر لك بكورً ينادى مشاري

ذاكر عبيد
ماقلت شيء ولاشهدنا ترى زور=لكن شفت السيل فوق الخباري

زايد ابن عدله
اللي يجيب العرج يصبر على العور=هذا كلام الصح ماهو هذاري

الموضوع الأصلي: طاروق رباعي بين الشاعر زايد ابن عدله ونواف الخياري ونواف زاكي وذاكر عبيد | | الكاتب: المحترف العبسي | | المصدر: شبكة بني عبس